078-366-566
Auto-illustrierte тестираше три пневматици на Goodyear
Швајцарскиот автомобилски магазин Auto-illustrierte објави нов тест на гуми, само со летни гуми на Goodyear. Кој каде застана на подиумот е сепак интересно да се прочита.
Поддржан од TÜV SÜD, магазинот Auto-Illustrierte ги тестираше летните гуми на Goodyear во три различни пазарни сегменти - EfficientGrip Performance 2 во димензија 225/55 R17, UHP Eagle F1 Asymmetric 6 во димензија 245/45 R18 и UUHP Eagle F1 SuperSport во димензија 245/40 R19.
Одговарајќи на очигледното прашање зошто да се споредат три пневматици од ист производител на гуми наместо досегашните тестови во кои се спротивставуваат повеќе брендови на пневматици, Јерг Петерсен, задолжен за тестирање и технологија во Auto-illustrierte, одговара дека „понудата на пневматици овие денови е толку голема што возачите навистина не знаат што да купат. Фокусот на тестот не е за избирање победник, туку за откривање и презентирање на предностите и недостатоците, како и посебните карактеристики на секоја од тестираните гуми“.
Швајцарскиот независен магазин, испита дали својствата на трите модели на Goodyear ги исполнуваат нивните соодветни ознаки. Со други зборови, дали EfficientGrip 2 е поекономичен или дали Eagle F1 SuperSport е навистина со поспортски компоненти.
Купи Goodyear зимски гуми и добиј подарок од лимитирана колекција! Дознај повеќе!
Auto-illustrierte и TÜV SÜD тестираа во седум дисциплини: влажно сопирање (од 80 km/h), влажно управување (длабочина на вода 1 mm), надолжно аквапланинг (длабочина на вода 8 mm), влажна кружна патека (радиус 42 метри), суво сопирање (од 100 km/h), ракување во суви услови (должина на патеката нешто помалку од 3,1 километар) и отпор на тркалање. Сите гуми беа монтирани на BMW 530e xDrive Touring, при што Eagle F1 Asymmetric 6 служи како референца или 100% репер.
Купувачите треба да ги земат предвид карактеристиките на гумите
„Тестот покажа дека премиум производителите се развиваат во различни насоки за да ги покријат потребите на возачите што е можно повеќе“, вели Мајкл Стам од TÜV SÜD, кој беше на лице место на тест патеката во Миревал, Франција. Тоа значи дека купувачите на гуми треба да размислат кои карактеристики ги бараат од пневматиците.
Јасно е дека со особено економична гума, ќе биде потешко да се вози спортски, а со гума што е спортска, сопствениците на автомобили сигурно ќе направат отстапки во однос на удобноста и издржливоста. Сепак, мора да се истакне дека карактеристиките како што се удобност, издржливост и перформанси при возење воопшто не беа тестирани во оваа споредба, и како такви, изјавите за економичност се ограничени само на отпорот на тркалање, а за возврат на ефикасноста на горивото.
Резултати од тестот на летни гуми Goodyear
EfficientGrip Performance 2 беше јасен победник на тестот за отпор на тркалање, со коефициент од 7,03 kg/t во споредба со референтната гума од 8,39 kg/t и Eagle F1 SuperSport од 9,99 kg/t.
Тестот за влажно сопирање открива поголема разлика во перформансите помеѓу моделите на Goodyear. Eagle F1 Asymmetric 6 испорачува перформанси на влажно сопирање кои беа приближно 10% подобри од EfficientGrip Performance 2 и Eagle F1 SuperSport.
На кружна патека во влажни услови, EfficientGrip Performance 2 постигна брзина во кривина од 64,6 km/h, заостанувајќи зад Eagle F1 Asymmetric 6 од 67,1 km/h.
Eagle F1 Asymmetric 6, исто така, се искачи на врвот на тестот за суво сопирање, запирајќи по 31,5 метри. На Eagle F1 SuperSport му беа потребни 33,1 метри за да застане, а на EfficientGrip Performance 2 му беа потребни 35,2 метри.
„Средните“ гуми е најдобриот компромис
Во однос на економичноста и издржливоста, гумата од 17” EfficientGrip Performance 2 е дефинитивно најдобро позиционирана. Ова важи и за отпорот на тркалање, кој е значително поголем кај 19” SuperSport. Најдобар компромис е Asymmetric 6, кој постигнува резултати и во однос на спортското возење, а особено во сопирањето.
Види ја целата понуда на Goodyear гуми за СУВ и 4x4
Ако барате нова гума која е особено економична, ќе мора да прифатите благ пад на перформансите. Од друга страна, оние кои сакаат да бидат особено спортски на патот треба да внимаваат на безбедносните параметри како што е држењето на влажен пат.
Сите пневматици во тестот беа позиционирани на многу високо ниво. Разликите во некои критериуми беа прилично мали, но во други сегменти можеа да се измерат појасно. Сите три гуми нудат високи нивоа на безбедност и затоа се препорачува наместо купувачите да споредуваат и да се мислат помеѓу имињата на производителите, потрошувачите првенствено да ги погледнат информациите на самата етикета на гумите.
